KMMK:
چوارشەممە ۱۵ی گەلاوێژی ۲۷۲۰ی کوردی، سێ هاوڵاتی بە ناوەکانی” ئارەش دارابی ۱٨ ساڵ تەمەن، یەحیا سەیدمورادی۱۹ ساڵ و ئەفشین سەید مورادی ۲۰ ساڵ تەمەن” لە لایەن هێزە ئەمنییەکانی کۆماری ئیسلامی ئێران ـەوە لە گوندی داراب بەشی ڕێژاوی شاری داڵاهۆ لە پارێزگای کرماشان دەستبەسەر کران.
بە گوێرەی هەواڵەکە؛ سەرلە بەیانی ئەو ڕۆژە هێزه ئەمنییەکان بە چەندد ماشێن و هێزێکی زۆرەوە گەمارۆی ئەو گوندەیان داوە و بە بێ هەبوونی حوکمی قەزایی ئەم سێ هاوڵاتییەیان دەستبەسەر کردووە و بە هێنانە ئارای کەشی ترس و تۆقاندن لە کاتێکدا خەڵک هەموو لە خەودا بوون ڕژاونەتە ماڵیان و ماڵەکەیان پشکنیووه و پاشان ئەو سێ کەسەیان لەگەڵ خۆیان بردووە بۆ شوێنێکی نادیار.
شیاوی باسە تا ئێستە هۆکاری دەستبەسەری ئەم هاوڵاتیانە ئاشکرا نەکراوە.
بە پێی داتاکانی ناوەندی ئاماری کۆمەڵەی مافی مرۆڤی کوردستان لە سەرەتای ساڵی نوێی زاینییەوە تا ئێستە بەم حاڵەتەوە ۱۱٨ هاوڵاتی لە ڕۆژهەڵاتی کوردستان لە لایەن هێزە ئەمنی و ئیتلاعاتییەکانی کوماری ئیسلامی ئێرانەوە له ڕۆژهەڵاتی کوردستان دەستبەسەر کراون.
کۆمەڵەی مافی مرۆڤی کوردستان
