تاران: سەپاندنی ۵ مانگ زیندان بەسەر شارۆمەندێکی خەڵکی مەهاباد

KMMK:

شارۆمەندێکی خەڵکی شاری مەهاباد لە ڕۆژهەڵاتی کوردستان بە ناونیشانی “ئەحەد نیکجویان” ٢٣ ساڵ تەمەن و دانیشتووی شاری تاران لە لایەن دادگای ئینقلابی حکوومەت لە شاری تاران ۵ مانگ زیندانی تەعزیری بەسەردا سەپێنرا.

بە گوێرەی هەواڵەکە ناوبڕاو ساڵی ٢٧١۶ی کوردی لە شاری تاران بە تۆمەتی ” هاریکاری یەکێک لە حیزبە کوردییە دژبەرەکانی دەسەڵاتی ئێران دەستبەسەر و پاش چوار مانگ لێپێچینەوە و ئەشکەنجە بە دانانی بارمتە بە شێوەی کاتی ئازاد کرابوو.

شیاوی باسە: ڕاوەدوونان و ئەشکەنجەی لاوانی کورد لە لایەن دەسەڵاتی کۆماری ئیسلامی ئێرانەوە لە هەر شوێنێکی جوگرافیای سیاسی ئێران بێت ڕێگەپێدراوە و ڕێژەیەکی یەکجار زۆری لاوانی کورد لە بەر نەبوونی هەلی کار و گوشاری ئابووری ناچار بوون زێدی خۆیان بەجێبهێڵن و ڕوو لە شارەکانی ناوەندی ئێران بکەن و بە گرانترین و کەم داهاتترین کار ڕازی ببن و لە ئەگەری بچووکترین ناڕەزایی دەربڕینیش بەرەوڕووی تۆمەتی تیرۆریست بوون و جودایی خوازی و دەستبەسەری و زیندان دەبنەوە تا ئاستێک کە زیندانەکانی زۆرینەی شارەکانی ئێران لە لاوانی کورد ئاخێنراون.

کۆمەڵەی مافی مرۆڤی کوردستان

%d bloggers like this: