KMMK:
راپۆرتی پێشێلكاری مافی مرۆڤ له مانگی مارسی ٢٠٢٠ کە بە هەوڵی کۆمەڵەی مافی مرۆڤی کوردستان و بە پشت بەستن بەو ڕاپۆرتانە کە لەلایەن كۆمه‌ڵه‌ی مافی مرۆڤی کوردستان بڵاوکراونەتەوە، کۆبەندی بۆکراوە.
شایانی باسە ئەم ڕاپۆرتانە، بەهۆی ئیزن نەدانی کۆماری ئیسلامی ئێران بەلێژنەکانی مافی مرۆڤی جیهانی، ڕاپۆرتێکی تەواو نییە وتەنیا وێنەیکی بچوکی پێشێلکاری مافی مرۆڤ لەڕۆژهەڵاتی کوردستان ئامادە کراوە.
کۆماری ئیسلامی ئێران بە گرتنی هاووڵاتیانی کورد ، مافە سیاسی، کۆمەلایەتی و مەدەنیەکانی گەلی کورد پێشێل دەکات.
ئازادی رادەربرین، مافی ژیانی ئازاد و سەربەخۆ، ئەمنیەتی تاکەکەسی،بابەت گەلێکن کە حکومەتی ئێران بە رۆژانە پێشێلیان دەکات، ئەوە هاوکاتە لەگەڵ هەڵاواردن و جیاوازی خستن نێوان خەڵک.
سێدارە
لە مانگی فێوریە دا کۆماری ئیسلامی ئێران ١ هاولاتی رۆژهەڵاتی کوردستانی لەسێدارە داوە، هاوکات باسی لەسێدارەدانی هێندێک گیراوی تر دەکرێت، بەڵام بە هۆیی پشت راستنەکردنەوەیان لێرە ئاماژەیان پێ ناکرێت.
| ژمارە | ناو | تەمەن | رێکەوت | شوێئن | تۆمەتی |
| 1 | امیر محمدپور | ؟ | 02.03.2020 | بوکان | کوشتن (قصاص) |
گرتن و زیندان
بەپێی ئامارەکانی کۆکراوە لەم مانگە دا ٣ هاولاتی کە بریتین لە چالاکانی سیاسی، مەدەنی و… دەستبەسەر کراون.
| ژمارە | ناو | تەمەن | رێکەوت | شوێئن | تۆمەتی |
| 1 | زێنەب ئیسماعیلی | 60 | 01.03.2020 | دێولان | چالاکی مەدەنی |
| 2 | عوسمان دلاویز | 30 | 01.03.2020 | مەریوان | چالاکی مەدەنی و سیاسی |
| 3 | دلێر خۆسرەوی | 40 | 03.03.2020 | سنه | چالاکی ژینگە |
کۆڵبەر و کاسبکار
لەم مانگەش دا کۆمەڵێک کۆڵبەر وکاسبکار بوونە قوربانی تەقەی راستەوخۆیی هێزە سەربازیەکانی کۆماری ئیسلامی ئێران و ٢ کۆڵبەر و کاسبکار کوژراون و ٣ کۆڵبەر و کاسبکاریش بریندار بوون.
کۆڵبەر و کاسبکاری کوژراو
| ژمارە | ناو | تەمەن | رێکەوت | شوێئن | هۆکار |
| 1 | سیروان شەریفی | ؟ | 17.03.2020 | هنگه ژال بانه | تەقەی هێزە ئەمنیەکان |
| 2 | ئازاد عومری | 22 | 19.03.2020 | خۆی | سەرما و کرێوە |
کۆلبەر و کاسبکاری بریندار
| ژمارە | ناو | رێکەوت | شوێئن | هۆکار |
| 1 | عەلی مامل | 03.03.2020 | سلماس | تەقەی هێزە ئەمنیەکان |
| 2 | مەحەممەد قادری | 17.03.2020 | سەردەشت | تەقەی هێزە ئەمنیەکان |
| 3 | مەولود بیشیر | 10.03.2020 | پیرانشار | تەقەی هێزە ئەمنیەکان |
تەقینەوەی مین
بە هۆیی تەقینەوەی مین یەک کەس گیانی لەدەست دا.
| ژمارە | ناو | تەمەن | رێکەوت | شوێئن | هۆکار |
| 1 | کەیوان ئەعزەمی | 37 | 16.03.2020 | سەرپێل زهاو | تەقینەوەی مین |
خۆکووژی
لەم مانگەدا یەک کەس کۆتایی بە ژیانی خۆیی هێناوە.
| ژمارە | ناو | تەمەن | رێکەوت | شوێئن |
| 1 | مەحەممەد رەحیم زادە | ؟ | 10.03.2020 | سەقز |
لە کۆتاییدا کۆمەڵەی مافی مرۆڤی کوردستان، داوا لە خەڵکی کوردستان دەکات، هەوڵ بدەن بۆ وەرگرتنی مافی ڕەوای خۆیان و هەر جۆرە پێشێلکاریەک کە لە لایەن کۆماری ئیسلامی ئێران لە مەڕ ئەوان دەکرێت، لەقاو بدەن و دەنگی خۆیان بە خەڵکانی جیهان بگەیەنن.
کۆمەڵەی مافی مرۆڤی کوردستان
