KMMK:
سیاوەش حەیاتی، وتەبێژی ناوەندی هاوبیری چالاکانی مەدەنی یارسان کە لە لایەن هێزە ئەمنییەکانی کۆماری ئیسلامی ئێرانەوە قۆڵبەست کرابوو، رۆژی چوارشەممە ۲٥ بەفرانبار بە کەفالەت لە گرتووخانەی دیزڵ ئاوا لە کرماشان ئازاد کرا.
ناوبراو لە کاتی دەستبەسەریدا، بە هۆی ناڕەزایی دەربڕین بە قۆڵبەستی بێ مۆڵەت و لێدان و سووکایەتی پێ کردن، مانی لە خواردن گرتبوو.
سەید ئەشکان والیزادە ــیش کە رۆژی ۲۲ بەفرانبار لە لایەن هێزە ئەمنی و ئیتلاعاتییەکانی حکوومەتەوە دەستبەسەر کرابوو بە واژۆی بەڵێن نامە لە گرتووخانە ئازاد کرا.
ئەشکان والیزادە سەر بە ئایینی یارسان و خوێندکاری زانکۆی رازی کرماشان لە بەشی بیناسازی، لە ناڕەزایی دەربڕینی زانکۆکان بەمەبەستی ئیدانەکردنی، لێدانی فرۆکە ئوکراینییەکە دەستبەسەر کرابوو.
جیگای ئاماژەیە: هاوکات لەگەڵ دەستبەسەری ئەشکان والیزادە، چەندین خوێندکاری تر لە زانکۆی رازی لەبەردەم دەرگای زانکۆکەدا دەستبەسەر کرابوون و تا ئێستاش لە گرتووخانەدان.
کۆمەڵەی مافی مرۆڤی کوردستان
