KMMK:
شەممە، ٣٠ی سەرماوەزی ۲۷۱۹ی کوردی، هاوڵاتییەک بە ناوی عەلی میلان خەڵکی ماکۆ لە رۆژھەڵاتی کوردستان لەلایەن هێزەکانی ئیتلاعاتی کۆماری ئیسلامی ئێران دەسبەسەر کرا.
هێزە ئەمینیەکان ئەو گەنجەیان بەبێ بەڵگەی یاسایی دەسبەسەر و بۆ شوێنێکی نادیار ڕاگواستووە.
کوردپا لە هەواڵێک دا ئاماژەی داوە کە ناوبراو بە تۆمەتی پەیوەندیی لەگەڵ یەکێک لە حیزبە کوردستانیەکانی دژی حکومەتی ئێران دەستبەسەر کراوە و هەتا ئێستا بەدواداچوونی بنەماڵەکەی بۆ ئاگاداربوون لە چارەنووسی، بێ ئاکام ماوەتەوە.
جێی ئاماژەیە کە لە دوای خۆپیشاندانەکانی ئەم دواییانەی رۆژھەڵاتی کوردستان و ئێران، خەڵکانێکی زۆر لە لایەن کۆماری ئیسلامی ئێران گیراون. هاوکات بە پێی هەواڵێکی ناوەندی خەبەری رۆیتێرز، لە ئاکامی تەقەی هێزە ئەمنیەکانی ئێران ۱۵۰۰ هاوڵاتی کوژراون.
کۆمەڵەی مافی مرۆڤی کوردستان
هاوڵاتییەک لە ماکۆ دەستبەسەر کرا
