KMMK:
شەممە ۲۳ سەرماوەزی ۲۷۱۹ کوردی، هێزە ئەمنیەکانی کۆماری ئیسلامی ئێران ئێران لە شابادی کرماشان هێرشیان کردە سەر ماڵی سێ چالاکی مەدنی بە ناوەکانی داریوش مرادی، سۆهراب مرادی و ئەحمەد بەساتی و هەرسێکیان دەسبەسەرکران.
بەپێی ئەو ڕاپۆرتە، هێزە ئەمنیەکانی حکومەتی کۆماری ئیسلامی ئێران دوای دەسبەسەرکردن، ئەو چالاکانەیان بۆ شوێنێکی نادیار گوازتۆتەوە.
جێگای ئاماژەیە، داریوش و سۆهراب مرادی لە نوسەرانی سایتی ئەدەبی هەسارەن و ئەحمەد بەساتی یەکێ لە شاعیرانی ناوچەی کرماشان و دانیشتووی شابادە کە تا ئێستا چەند کتێبی شێعری لێ بڵاوکراوەتەوە.
کۆمەڵەی ماڤی مرۆڤی کوردستان
