KMMK:
لەم ڕۆژانەی دواییدا تەرمی گەنجێکی دیکەی خەڵکی شاری جوانڕۆ بەناوی ” خالید رەشیدی” کوڕی مەحموود لە دەوورووبەری ئەو شارە لە شوێنێک بە ناوی “یووسوو خانی” دۆزرایەوە.
بە گوێرەی هەواڵەکە ناوبراو شوێنەواری فیشەکی پێوەیە و نیشان دەدات کە لەم خۆپیشاندانانەی ئەم دواییانەی ئێران و ڕۆژهەڵاتێ کوردستان پاش دەسبەسەری و ئەشکەنجە فیشەک باران کراوە.
شیاوی باسە جگە لە کوشتنی سەدان کەس سەدان و هەزاران کەسی دیکەیش دەسبەسەر کراون و بێ سەروشوێنن و گیانی زۆربەیان لە مەترسیدایە و تا ئێستە دەیان تەرم لە دەورووبەری شارەکان و لە زبڵدانەکان دۆزراونەتەوە.
کۆمەڵەی مافی مرۆڤی کوردستان
