مەریوان/ چالاکێکی مەدەنی بانگهێشتی پۆلیسی فەتا کرا

KMMK:

پێنج‌شەممە ۲ی خەزەڵوەری ۲۷۱۹ کوردی، چالاکی مەدەنی و شاعیری مەریوانی ئارام فەتحی لە لایەن پۆلیسی فەتا بانگهێشت کرا.

بە پێی ئەو هەواڵە: هۆی بانگهێشتی ئەو چالاکوانە مەدەنییە دەگەڕێتەوە بۆ ڕووداوی دەستدرێژی کەسێک بەناوی ئەحمەد ڕەحمانی بۆ سەر منداڵێکی تەمەن حەوت ساڵان کە ڕۆژی سێ‌شەممە ۲٤ ڕەزبەری ئەمساڵ ڕوویدا و ئارام فەتحی لە هەمبەر ئەم کارەساتە بێدەنگی ڕەچاو نەکردوو بۆ پشتیوانی لەو منداڵە کێشەکەی لە سەر کاناڵە کۆمەڵایەتییەکان ئاشکرا کرد.

جێگای ئاماژەیە و بە پێی ووتەکانی سەرچاوەیەکی ئاگادار، بنەماڵەی ئەحمەد ڕەحمانی بەوبۆنەیەوە سکاڵایان لە هەمبەر ئارام فەتحی تۆمار کردووە و هەر بەو هۆیەوە ڕۆژی چوارشەممە یەکی خەزەڵوەر، پۆلیسی کۆماری ئیسلامی لەو شارە بە تەمای دەسبەسەر کردنی ئارام فەتحی هەڵیانکووتایە سەر ماڵی ناوبراو.

کۆمەڵەی ماڤی مرۆڤی کوردستان

%d bloggers like this: