KMMK:
عەلی هادی چگێنی، سەرۆكی دامەزراوە بەڕێوەبردن و پلاندانانی حکوومەتی ئێران لە لۆڕستان رایگەیاند: پارێزگای لۆڕستان لە سەر ئاستی جوگرافیای ئێران لە پلەی یەكەمدایە لە رووی كۆچبەربوونی دانیشتوانەكەی.
ناوبراو رونیشیكردەوە، ساڵانە نزیكەی ۱۲ هەزار كەس لەو پارێزگایە كۆچبەر دەبن و روودەكەنە پارێزگاكان و شارە گەورەكانی ئێران.
چگێنی هێمای بۆ ئەوشەكرد، كە رێژەی بێكاری لە لۆڕستان ۱۳٫۵% و ئەمەش زیاتر لە مامناوەندی گشتی جوگرافیای ئێرانە كە ۱۲% یە.
لە ئەنجامی سیاسەتی هەڵاواردن و پەراوێزخستنی ناوچەكانی رۆژهەڵاتی كوردستان و بەهۆی بێكاری و نەبوونی هەلی كار لە پارێزگاكانی ئەو بەشەی كوردستان، بەشێكی بەرچاوی دانیشتوانەكانیان بۆ دۆزینەوەی كار و دابینكردنی بژێویان ناچار بن زێدی خۆیان جێبهێڵن رووبكەنە شارە گەورەكانی ئێران.
لەبەرامبەردا هەر بەپێی سیاسەتەكانی دەوڵەتی ئێران لە شار و ناوچەكانی تری ئەو وڵاتەوە، ژمارەیەكی زۆر لە فەرمانبەران و هاوڵاتیانی ناخۆجێیی دەگوازرێنەوە بۆ شارەكانی رۆژهەڵاتی كوردستان، ئەمەش بە هەوڵێك بۆ گۆڕینی دیموگرافی ئەو ناوچانە لێكدەدرێتەوە.
كۆمەڵەی مافی مرۆڤی كوردستان
