KMMK:
چوارشەممە ۱۱ی گوڵانی ۲۷۱۹ی کوردی، چالاکێکی کەلتووری وهونەری کورد بەناوی «مێهدی گەنج بەخشلاین» دانیشتووی شاری کەلات لە باکووری خۆراسان، لە ڕێی نامەیەکەوە بانگهێشتی دادگای کۆماری ئیسلامی کرا.
بەگوێرەی هەواڵەکە: مێهدی گەنج بەخشلاین هەنووکە لە گرتووخانەی وەزارەتی ئیتلاعاتی کۆماری ئیسلامی ئێران لە ژێر ئەشکەنجە و لێپرسینەوەی گران و گوشاردایه و ئەمە لە کاتێکدایە ئەم چالاکە کوردە لە دۆخێکی خراپی ڕۆحی و جەستەیی لە ڕێوڕەسمی دادگا ئامادە ببێت.
شیاوی باس کە: مێهدی گەنج بەخشلاین و کۆمەڵێک لە چالاکانی کەلتووری کوردەکانی خۆراسان بەهۆی چەلاکییەکانیانەوە لە چەندد ساڵی ڕابردوو چەندین جار بانگهێشت و بەتۆمەتگەلێکی وەکوو؛ نەتەوەگەرایی، تێکدانی ڕاوبۆچوونی گشتی وبڵاوکردنەوەی درۆ ودەلەسە، دەسبەسەر کراون و کەوتونەتە ژێر گرانترین ئەشکەنجەکان.
کۆمەڵەی مافی مرۆڤی کوردستان
