KMMK
پێنج شەممە ۲٥ی ڕێبەندانی ۱۳۹۷ی هەتاوی، سێ شارومەندی دانیشتووی شاری سونقور لە پارێزگای کرماشان، بە ناوی کیوومەرس واعزی، جەبار حاجی مورادی و هادی باقری لە لایەن هێزەکانی سپای پاسدارانەوە دەسبەسەر کران.
شایانی باسە، کیوومەرس واعزی ساڵی پار لە شاری سونقور یەکێک لە بەرپرسانی بنکەی پروپاگاندە بۆ ڕۆحانی بووە لە کاتی هەڵبژاردنی سەرۆکۆمار و لەو کاتەدا جارێک لە لایەن ئیتلاعاتەوە بانگهێشتی ئەو ئیدارەیە کرابوو.
ساڵی پار لە دۆسییەکدا، یەکێک لەو تاوانانەی لە شاری سنە خرابوویە پاڵ کیوومەرس واعزی و جەبار حاجی مورادی، «بڵاو کردنەوەی وتەی ناڕاست و سووکایەتی بە بەرپرسانی حوکومی» بوو.
تا کاتی بڵاو کردنەوەی
ئەم هەواڵە هیچ زانیارییەک سەبارت بە هۆی دەسبەسەری ئەم سێ شارومەندە کوردە لە بەردەست
نییە.
کۆمەڵەی مافی مرۆڤی کوردستان
