kmmk:
سێ شەممە ۲۴ی ڕەزبەری ۱۳۹۷ی هەتاوی نرخی نان لەپارێزگای ســنە گران کرا.
بەگوێرەی هەواڵەکە، ماوەیەکە دەنگۆی گرانی نان بووە بە ڕۆژەڤ ،تائەوەی ئەوڕۆ نرخی نوێ ڕەوانەی پارێزگاکان کرا وبەم پێیە هەر پارێزگایەک بەپێی دۆخی خۆی نرخەکە دەباتە سەرەوە.
بەپێی بڕیاری کاری گرووپی سیستەمی یارانەی گەنم ،ئارد ونان نرخی نانی تەنوور(لواش) بەکێشی گونکی ۱۶۵ گرام بە ۲۰۰تمەن، سەنگەکی بە کێشی گونکی ۴۵۰گرام بە ۷۰۰تمەن وبەڕبەڕی بەکێشی گونکی ۴۵۰گرام بەنرخی ۶۵۰تمەن دیاری کرا.
جێگەی باسە هەڵکشانی نرخی نان لەکاتێکد دێتە ئاراوە کە خەڵک لەدۆخی ئابووری زۆر خراپدایە وبێکاری وهەژاری لەڕۆژهەڵاتی کوردستان لە لوتکەدایە وکۆماری ئیسلامی ئێران لەپاش ئەوەی وەرزێران گەنمەکانیان ڕادەستی حکوومەتکرد وبەنرخێکی هەرزان فرۆشتیان ، ئەم دۆخە نالەبارەی سەپاند بەسەر خوانی گەلی هەژاری ڕۆژهەڵاتدا.
کۆمەڵەی مافی مرۆڤی کوردستان
