KMMK: لە چەند رۆژی رابردودا مێر منداڵێکی کورد بە ناوی کارۆ کەریمی کوڕی سەلاح و شلێر ئەژدەری خەڵکی گوندی سەردۆشی سەر بە مەریوان لە لایەن هێزەکانی سپاس پاسدارانی کۆماری ئیسلامی ئێرانەوە بە توندی لێی دەدرێت.
بە پێی راپۆرتەکە: ئەم مێرمنداڵە کوردە چەند رۆژ پێش لە سەر رێگای زەوی و زاری ماڵی باپیری لە حاڵێکدا کە بڕێک خواردنی پێ دەبێت هێزەکانی سپای پاسداران رێی لێ دەگرن و بە بێ هۆکار ئەم هێزانە ناوبراو دەدەنە بەر لێدان و ئازار و پاشان بە پێی خاوس دەینێرنەوە بۆ ماڵەوە.
جێگای ئاماژەیە کە: ناوبراو لە یەکێک لە نەخۆشخانەکانی شاری مەریوان بە هۆی زۆری رێژەی برینەکانیەوە لە ژێر چاوەدێری پزشکیدا بەسەر دەبات.
کۆمەڵەی مافی مرۆڤی کوردستان
