KMMK:ئەمڕۆ ۱۱ی گوڵانی ۱۳۹۷ی هەتاوی ” نیشتمان حوسەین پەناهی” تەمەن ۲۵ ساڵ، کە دەبێتە کچی خوشکی رامین حوسەین پەناهی بەندکراوی سیاسی مەحکوم بە سێدارە و هاوژینی ئەحمەد حوسەین پەناهی بەندکراوی سیاسی کورد، بە هۆی درێژەدانی گوشار و زەبر و زەنگی کۆماری ئیسلامی ئێران بۆ سەر بنەماڵەی حوسەین پەناهی دەستی دایە خۆکوژی و کۆتایی بە ژیانی خۆی هێنا.
هەوڵی خۆکوژی نیشتمان حوسەین پەناهی پاش گواستنەوەی رامین حوسەین پەناهی بۆ قەرەنتینەی بەندیخانەی حکومەتی ئێران لە شاری سنە بە مەبەستی بەڕێوە بردنی قەراری سێدارە و ترسی لەسێدارە دانی رامین لە ژێر گوشاری دەرونی و خەمی لەدەست دانی رامین دەستی داوەتە خۆ کوژی و کۆتایی بە ژیانی خۆی هێناوە.
کۆمەڵەی مافی مرۆڤی کوردستان
