KMMK: زانیار زەمیران و عیسا فەیزی بۆ پشتگیری لە عەفرین دەستیان داوەتە مانگرتن. زانیار لە پێنجی خاکەلێوە و عیسا لە شەشی خاکەلێوە مانگرتنی خۆیان دەست پێکردووە. ئەم دوو چالاکە سیاسی و مەدەنیەی کوردی رۆژهەڵاتی کوردستان، داواکاریەکانی خۆیان بەم شێوەیە راگەیاندووە:
۱: شۆرای ئەمنیەتی رێکخراوەی نەتەوە یەکگرتووەکان زەخت بخاتە سەر تورکیا بۆ بردنە دەرەوەی هێزە داگیر کەرەکەی لە عەفرین.
۲: راگەیاندنی ناوچەی قەدەغەی فڕین لەسەر عەفرین
۳: هەبونی هێزەکانی رێکخراوەی نەتەوە یەکگرتووەکان بۆ پێش گرتن لە کۆمەڵکوژی خەڵکی عەفرین بەدەستی حکومەتی تورکیا
٤: هەناردنی یارمەتی وەک، سەرپەنا، خواردەمەنی و دەرمان و ئاو و یارمەتیە پاکوخاوێنی و دەرمانیەکان بۆ ئاوارەکانی عەفرین لەلایەن رێکخراوە نێو نەتەوەییەکان وەک خاچی سور و هەلالی ئەحمەر.
٥: دروست کردنی رێگای پارێزراو بۆ گەیاندنی یارمەتیە مرۆیەکان بۆ عەفرین.
جێگای ئاماژەیە: حکومەتی تورکیا پاش دوو مانگ لە بوردمانی درێژەدار و هێرشی داگیرکەرانە، عەفرین لە رۆژئاوای کوردستانی داگیر کردووە.
تورکیاو گروپە تیرۆریستیەکانی پەیوەندیدار بە تورکیاوە رۆژانە دەست دەدەنە کوشتنی خەڵک لە عەفرین.
کۆمەڵەی مافی مرۆڤی کوردستان
