شوێنەواری دیرۆکی ئەندارە (عین دارع) لە عەفرین کەوتە بەر پەلاماری کاولکاری تورکیا

کۆمەڵەی مافی مرۆڤی کوردستان Kmmk

شوێنەواری مێژویی ئەندارە (عین دارع) کە مێژوەکە دەگەڕێتەوە بۆ هەزارەی دووهەمی پێش زایین لە میراتی بە جێماوی دەسەڵاتی هەسنی و شارستانیەتی ” هایتی “ە کان بوە .

ئەو شوێنەوارە کۆنە کە وەک پەرەستگاێک ناسراوە لە ئەنجامی هێرشی بۆردمانی باڵەفڕەکانی ئەم دووایانەی تورکییە کە لە ۲۰ی ژانویەی ۲۰۱٨ وە بۆ سەر کانتۆنی عەفرین لە ڕۆژاوای کوردستان دەستی پێکردوە ، وێران کراوە .

ئاسەواری مێژویی دەڤەری عەفرین “ئەندارە “کە لە لایەن یونسکوە وەک میراتی کلتوری و دیرۆکی ناسراوە . تاوەکو ئێستا ئەوە ناوەندە چاند و هونەرییەی جیهان لە ئاست ئەم کاولکارییانەی وڵاتی تورکییە چاوی نوقاندوە .

دیارە شکاندن و کاولکردنی ئاسەوارە کۆنەکان لەم سەردەمە نوێیەدا زورتر لە لایەن گروپ و تاقمە توندئاژۆێیە ئیسلامییەکانەوە ئەنجام دراوە کە ئەو ڕێکخراوانە وەک گروپی ترۆر و تۆقاندن ناسراون .

شوێنەوارەکانی پەیکەرەکانی “بودا “لە ئەفغانستان بە دەستی تالیبان و مزگەوتی ــ گۆڕ ـ ی یونسی پێغەمبەر لە موسڵ هەمویان بەناوی دینەوە کاولکران .

سەیر لەوەدایە عالەم لە سەر ئەوناوەندانە هاتە جواب ، بەڵام بۆ شێواندنی وتێکدانی ئاسەوارەکۆنەکانی کوردەواری کەس متەقی لێوەنەهاتوە .

ئاسەوارە کۆنەکانی باکوری کوردستان بەتایبەت “ســـوری ئامەد “لە ژێر چەکمەی جەندرمەی تورکدا کاول کرا و کرایە وێرانە .

هەرچەن لەڕۆژهەڵاتی کوردستانیش ئاسەوارەکانی ” زێویە ی سەقز و قۆری قەڵای بۆکان و تەخت سلێمانی هەوشار و دەیان ئاسەواری تر بێبەش نەبوون لەم تاڵان وبڕە.

ئاسەوار ومیراتی کۆنی کوردەواری لە لاێیک ، نەتەوەی کورد خۆشی لە هەر چوار لاوە بە ناوی دینەوە لە ئێران فتوای جهادی لە سەردەرێت و لە باشور ئەنفال دەکرێت و لە تورکیا فەتح و سڕینەوەی لەسەر پەیڕەو دەکرێت .

کۆمەڵەی مافی مرۆڤی کوردستان

%d bloggers like this: