بەپێی ڕاپۆرتێک کە بە کۆمەڵەی مافی مرۆڤی کوردستان گەیشتوە ، بۆ زیاتر لە دوو ساڵ دەچێت شرکەتێکی بەنداو دروستکردن سەر بە سپای پاسدارانی کۆماری ئیسلامی لە ڕۆژهەڵاتی کوردستاندا لە کانی سێوی پیرانشار دەستی بە دروستکردنی بەنداوێک کردوە .
لە درێژەی ڕاپۆرتەکەدا هاتوە مەبەست لە چێ کردنی ئەو بەنداوە ڕاگوێزانی ئاوی سەرچاوەکانی زێ گەورە یان بەرزاییەکانی دۆڵی شێخ ئایشێیە بۆ گوڵی ورمێ و بە پلان و لێدانی تونێلی ئاوی کە شوێنی تونێل لێدانەکەش دیاری کراوە کە گوندێکی ناوچەی نەغەدایە بە ناوی بەگم قەڵا و لە وێیشەوە بە شێوەی سروشتی هەناردە گۆلی ورمێ دەکرێت .
شایانی باسە ئەو مەودایە بە گوێرە زانیارییە بەراییەکان زیاتر لە ۲۰ کلیو میتر تونێل لێدانی دەوێت و دوو کەرەستەی ئەو کارەش لە وڵاتی چین کڕدراوە و کە مەزەندەی ۱۰۰۰ ملیارد تمەن بۆ هەر دەسگاێیکی تونێل لێدان دەکرێت . لەدرێژەدا سەرچاوەکە دەڵێت :بەهۆی گەماڕۆ ئابوریێەکانەوە ئەو دوو دەسگا تونێل لێدانە بە تێچوێکەی زۆرتر لەوە ڕادەستی ئێران کراو .
ڕاگوێزانی و هەناردەکردن و بەنداو دروستکردنی نابەرپرسانەی کاربەدەستان و سیستیمی کۆماری ئیسلامی لە ڕۆژهەڵاتی کوردستاندا دیاردەێیکی نوێ نییە و چەندین بەنداوی گەورە لە سەر ڕوبارەکانی ڕۆژهەڵاتی کوردستان بە مەبەستی هەناردەکردنی ئاوەشیرینەکانی بۆ پارێزگا ناوەندییەکانی ئێران ، ئەمە لە هەلو مەرجێکدایە کە ژینگەو سروشتی کوردستان شێوێندراوە و زۆربەی زەوییەکشتوکاڵییەکان دێمەڕۆن و گوندەکانی و تەنانەت شارەکانی ڕۆژهەڵاتی کوردستان لە گەڵ کێشەی کەمی ئاوی خواردنەوە بەرەو ڕوون. وشک بونی گۆلی ورمێش هەر ئاکامی ئەو پلانە هەڵەو نابەجێیانە بوو.
کۆمەڵەی مافی مرۆڤی کوردستان
بەنداوی کانی سێو لە پیرانشار بە چ مەبەستێک ، بۆچی مێدیا بێدەنگی لێکردوە ؟
