ک.م.م.ک:
بەپێی زانیارییەکان، ڕۆژی سێشەممە ٢٥ی خەرمانانی ٢٧٢٥ی کوردی، محەممەدنیما ئەحمەدی گەنجێکی ٢٤ساڵ تەمەنی خەڵکی سنە و خوێندکاری دەرکراوی زانکۆ لە سێیەمین ساڵوەگەری گیانبەختکردنی ژینا ئەمینی، تونداژۆیانە لەلایەن هێزە ئەمنییەکانی ڕێژیمی ئێرانەوە دەسبەسەر کرا.
شیاوی باسە، دەسبەسەری ئەم هاوڵاتییە هاوکاتە لەگەڵ مانگرتنە گشتگیرەکانی ڕۆژهەڵاتی کوردستان و ئێران و داخستنی بازاڕەکان.
جێی سەرنجە تا کاتی ئامادەکردنی ئەم هەواڵە، شوێنی ڕاگرتن و ئەو تۆمەتانەی خراونەتە پاڵی ئاشکرا نەکراوە.
ق.ش
