ک.م.م.ک:
بەپێی زانیارییەکانی kmmk، ئەم ناڕەزایی نیشاندانە ڕۆژی شەممە١٩ی خەزەڵوەری ٢٧٢٤ی کوردی و پاش ئامادەبوونی خەسرەو تەرەفی، سەرۆکی زیندان و تاقمێک لە فەرمانبەران لە بەندی ٨ بەڕێوە چووە و لە ئەنجامی لێکپرژانی نێوانیان، سەرۆکی زیندان بریندار بوو.
دوابەدوای قووڵبوونەوەی تێهەڵچوونەکە، گاردی تایبەتی زیندان پەلاماری زیندانیان دا و ئاگری شەڕەکەی پتر تاو دا. بەپێی هەواڵەکان، پێوەندی تێلەفوونی زیندانیان بەتەواوی پچڕاوە و نیگەرانی لەمەڕ دۆخی یاسایی و تەندرووستی زیندانیان هاتۆتە ئاراوە.
خاکەلێوەی ساڵی ٢٧١٩ی کوردیش زیندانیانی ئەم زیندانە لەپاش تەشەنەی کرۆنا و لەبەرچاو نەگرتنی پێڕەوە بێهداشتییەکان دەستیاندایە ناڕەزایی نیشاندان کە کوژران و برینداربوونی چەندد زیندانی لێکەوتەوە. و دووپاتبوونەوەی ئەم ڕووداوە بووە بەهۆی دڵەڕاوکێی زۆری چالاکانی مافی مرۆڤ و بنەماڵەی زیندانیان.
چونکوو پێوەندی و ئاگاداری لە دۆخی زیندان بەتەواوەتی پساوە.
ق.ش
