ک.م.م.ک:
دووشەممە ٣٠ی گەلاوێژی ٢٧٢٣ی کوردی، کەسێکی خەڵکی شاری مەهاباد بەناونیشانی ئەمیر سەیدی ٢٥ساڵ تەمەن کەلە باخی میکایل سەرقاڵی کاسبی بوو و لە فەزای مەجازی سەرقاڵی چالاکی بووە، لە شەودا لەلایەن هێزە ئەمنییەکانی سەرکوتگەری حکوومەتی ئێران بەبێ نواندنی حوکمی قەزایی دەستبەسەر و بۆ شوێنێکی نادیار ڕاگوازرا و وێڕای دەستبەسەری بڕێک لە کەلووپەلی تایبەتی ناوبراو دەستی بەسەردا گیرا و لەگەڵ خۆیان بردیانن.
بەگوێرەی هەواڵی متمانەپێکراو، دووشەممە ٦ی خەرمانانی ئەمساڵ سەیدی لە پێوەندییەکی تێلەفوونییەوە بەبنەماڵەکەیان ڕاگەیاندووە کە بۆ گرتووخانەی ئەمنییەتی لەورمێ ڕاگوازراوە.
ق.ش
