ک.م.م.ک:
بەپێی زانیارییەکان، چوارشەممە ١٨ی گەلاوێژی ٢٧٢٣ی کوردی، فەرهاد نەوایی قوتابیی١٦ساڵ تەمەنی خەڵکی گوندی تورشەکانی سەربە شاری مەهاباد پاش ٩ مانگ زیندان لە ناوەندی پەروەردە و چاکسازی حکوومەت لە ورمێ ئازاد کرا.
ئەم قوتابییە ١٦ ساڵ تەمەنە لە ٢٧ی خەزەڵوەری ساڵی ڕابردوو، لە ڕەوتی شۆڕشی ژن، ژیان، ئازادی لە شاری مەهاباد دەستبەسەر و لەلایەن دادگای حکوومەت لە ورمێ بەتۆمەتی گردبوونەوەی و هاریکاری دژبە ئەمنییەتی ناوخۆیی بە٢ ساڵ زیندان مەحکووم کرابوو.
شیاوی باسە، فەرهاد نەوایی لە کاتی دەستبەسەرییەوە تا دەرکردنی حوکم لە دەستڕاگەیشتن بە پارێزەر بێبەری بووە.
ق.ش
