ک.م.م.ک:
بەپێی زانیارییەکانی کۆمەڵەی مافی مرۆڤی کوردستان، ڕۆژی پێنجشەممە ١٨ی جۆزەردانی ٢٧٢٢ی کوردی، گەنجێکی ١٨ ساڵ تەمەن بەناونیشانی سەید فەرهەنگ بابەک خەڵکی گوندی گردڕەحمەتی سەربە پیرانشار، پەتی بۆ خۆی هەڵخست و کۆتایی بەژیانی خۆی هێنا.
بەگوێرەی هەواڵەکە، هۆکاری خۆکوژی ئەم گەنجە ئاشکرا نەکراوە.
شیاوی باسە ئێران و بەتایبەتی ڕۆژهەڵاتی کوردستان بەبۆنەی سیاسەتی ناکارمەی کۆماری ئیسلامی و هەڵاوسان و هەڵاواردن و نەبوونی هەلی کار و قورس بوونی ژیان گەنجانی لە تەنگەژە هاویشتووە و بێ هیوایی ژیانی ئاستەم کردووە هەربۆیە زۆرینەی گەنجان پەلاماری گیانی خۆیان دەدەن.
ق.ش
