ک.م.م.ک:
یەکشەممە ٢٠ی سەرماەزی ٢٧٢٢ی کوردی، سمایل شەرافەت و عوسمان ئەسعەدی خەڵکی شاری شنۆ لەلایەن هێزەکانی ئیتلاعاتی سپای پاسدارانی ئێرانەوە دەستبەسەر و بۆ شوێنێکی نادیار ڕاگوازران.
شیاوی باسە کە ناوبراوان لە کاسبکاران و بازاڕیانی شاری شنۆن کەبەبۆنەی بەشداری لە مانگرتنە گشتگیرەکانی خەڵک دەستبەسەر و ئەشکەنجە و لێدانیان بەرکەوتووە.
ئەم دوو هاوڵاتییە پاش سازکردنی دۆسیە، بە شێوەی کاتی ئازاد کرابوون.
هەنووکە سمایل شەرافەت و عوسمان ئەسعەدی سەرلەنوێ دەستبەسەر کراونەتەوە و هیچ زانیارییەک لەو تۆمەتانەی نراوەتە پاڵیان ئاشکرا نەکراون.
ق.ش
