KMMK:
یەکشەممە 12ی ڕێبەندانی 2720ی کوردی، هاوڵاتییەک بە ناونیشانی سامان ڕەزایی، خەڵکی گوندی ملەدزگە سەر به شاری سەرپێڵ زەهاو لە پارێزگای کرماشان بە هۆی تەقینەوەی مین بە گرانی بریندار بووە و لاقێکی لە دەست داوە.
بە گوێرەی هەواڵەکە، ئەم هاوڵاتییە لە کاتی لەوەڕاندنی ئاژەڵەکانی بە هۆی تەقینەوەی مینێکی بەجێماوی شەڕی ئێران و عێراق لە ناوچەی سنووری ئەم شارە تووشی ئەم کارەساتە هاتووە.
شیاوی باسه کە ناوبراو بۆ چارەسەری پزیشکی ڕەوانەی ناوەندێکی دەرمانی شاری کرماشان کراوە.
کۆمەڵەی مافی مرۆڤی کوردســتان