ک.م.م.ک:
ڕۆژی دووشەممە ٤ی ڕەشەمێی ٢٧٢٥ی کوردی، بەپێی ئاگادارینامەیەک کە لەلایەن لقی یەکەمی دادسەری و دادگای گشتی و ئینقلابی ڕێژیمی ئێران لە ئیلام دەرچووە، بابەک کەریمی، هاوڵاتیی خەڵکی ئەیوان غەرب، کە یەکێکە لە دەستبەسەرکراوانی شۆڕشی «ژن، ژیان، ئازادی» و زیندانییەکی پێشووی سیاسییە، بە مەبەستی بەرگریکردن لەو تۆمەتانەی خراونەتە پاڵی بانگهێشت کراوە.
بەپێی دەقی ئاگادارینامەکە، ناوبراو ئەرکدار کراوە کە لە ماوەی پێنج ڕۆژدا لەو لقە ئامادە بێت بۆ وەڵامدانەوە و بەرگریکردن لە خۆی بەرامبەر ئەم تۆمەتانە:
هاندانی خەڵک بۆ شەڕ و کوشتار بە مەبەستی تێکدانی ئاسایشی وڵات.
پڕوپاگەندە دژی دەسەڵات،
بڵاوکردنەوەی هەواڵی ناڕاست. بەشداریکردن لە گردبوونەوەی نایاسایی.
ق.ش
