ک.م.م.ک.:
ناسر زۆمۆردی، هاووڵاتییەکی تەمەن ٣٨ ساڵەی خەڵکی ئیلام، ڕۆژی هەینی ١٣ پوشپەڕی ٢٧٢٥ی کوردی لە لایەن ئیدارەی ئیتلاعاتی ڕێژیمی ئێران لە پارێزگای ئیلام دەستبەسەر و بە تۆمەتی ئەمنیەتی ، سووکایەتیکردن بە پیرۆزییەکانی ئیسلام، سووکایەتیکردن بە ڕێبەرایەتی، پڕوپاگەندەکردن دژی کۆماری ئیسلامی و بڵاوکردنەوەی درۆ، بۆ ماوەی دوو مانگ دەستبەسەری کاتی بەسەردا سپێندراوە.
بەپێی سەرچاوە ئاگادارەکان، ناوبراو پێشتر بانگهێشتی لقی ٧ی لێکۆڵینەوەی دادگای گشتی و ئینقلابی ئیلام کراوە و پاش ئامادەبوونی لەم لقە دەستبەسەر کراوە. تا ئێستا هیچ زانیارییەکی دیاریکراو سەبارەت بە دەستڕاگەیشتن بە پارێزەر و مەرجەکانی دەستبەسەرکردنی بڵاونەکراوەتەوە.
ئەم دەستگیرکردنە لە کاتێکدایە کە دامودەزگا ئەمنییەکانی کۆماری ئیسلامی گوشار و ڕێوشوێنی کۆنترۆڵکردنیان بە تایبەت لە ناوچە جۆربەجۆرەکانی کوردستان بە دوای هێرشەکانی ئەم دواییەی سوپای ئیسرائیل بۆ سەر ناوەندە سەربازییەکانی ئەو وڵاتە زیاد کردووە.
ف.ن
