KMMK:
ئەنوەر چالشی بەندکراوی خەڵکی ورمێ سەراڕای هەبوونی نەخۆشینی ئینفەکسیۆنی سێل، لە دۆخێکی دژواری بەشی قەرەنتینەی گرتووخانەدا دەمێنێتەوە.
بە پێی هەواڵەکە، ئەنور چاڵشی کە هەڵگری نەخۆشی سێلە چەندین جار داوای گوێزانەوە و چارەسەری لە دەرەوەی گرتووخانە کردووە بەڵام لە لایەن بەرپرسانی گرتووخانەوە داواکارییەکەی رەت کراوەتەوە.
سەبارەت بە دخۆی ناوبراو، رۆژی 20 خەرمانان تەندرووستی تێک چووەو بەناچار رەوانەی نەخۆشخانەی دەرەوەی گرتووخانە کراوە.
دوکتور و کادری تەندرووستی دوای پشکنین بۆ ئەنوەر چاڵشی رایان گەیاندووە: ریخۆڵەو کۆئەندامی هەرەسی ناوبراو بەکتریای زۆری تێ چووەو ناوبراو پێویستی خێرای بە پێڕاگەیشتن و چارەسەری هەیە بەڵام کاربەدەستانی گرتووخانەکە ئەم هاوڵاتییەیان رۆژی 21 خەرمانان گوێزاوەتەوە بۆ گرتووخانەوە بردوویانە بۆ بەشی قەرەنتینە.
جێگای ئاماژەیە، ئەنوەرچاڵشی هاوڕا لەگەڵ مووسا ئاڵۆسی و کامیل جەباروەند رۆژی 12ـی بەفرانباری 99 لەلایەن هێزە ئەمنییەتیەانی ئێرانەوە بە تۆمەتی هاریکاری یەکێک لە حزبە کوردییەکانی دژبەری کۆماری ئیسلامی ئێرا دەستبەسەر کراون.
م.ه
