KMMK:
دادوەر سەڵواتی، دادوەری دادگای ئینقلاب لە تاران، سزای سێدارەی بە سەر «فەرەیدوون زاکری نەسەب» ٢٩سالان خەڵکی شاری سەرپێڵ زەهاوی کرماشان لە رۆژهەڵاتی کوردستان، بە تۆمەتی بەشداری لە هێرش بەچەک بۆسەر بینای پارلمانی ئیران و قەبری خومەینی سەپاند.
بەپێی راپۆرتی کەمپەینی بەرگری لە بەندکراویانی سیاسی ومەدەنی «فەرەیدوون زاکری نەسەب» هەڵگری بڕوانامەی ماستەرە لە بەشی بەڕێوەبەری بازەرگانی وهەر وەها بەرپرسی بەشی کونگ فو تایە لە پارێزگای کرماشان.
جێگای ئاماژەیە پێشتر لە بەڕواری ١٦ خەرمانانی٩٧سزای سێدارە بەسەر٨کەس لە شارۆمەندانی کرماشان بە هەمان تۆمەت جێ بەجێ کرابوو.
کۆمەڵەی مافی مرۆڤی کوردستان
