kmmk
رۆژی هەینی ۱۶ سەرماوەزی ۱۳۹۷ هەتاوی لە ناوچەی نێزەڕۆی سەر بە شاری بانە تەرمی سینەماکاری کورد رەحیم زەبیحی و کەیوان زەبیحی برای بە دەست بەستراوی لە ناو ئۆتۆمبێلێکی سوتێندراو دا دۆزرایەوە.
بە گوێرەی هەواڵەکان ئۆتۆمبێلی رەحیم زەبیحی و براکەی لە نیزیک گوندی نێزەڕۆی سەر بە شاری بانە لە هەڵدێرێکی نەزور بەرز هەڵدێرا بوو و ئاگری تێبەر ببوو.
جێگای سرنجە بە گوێرەی ئەو کەسانەی لە نیزیکەوە چاویان بەو رووداوە کەوتووە ، وا دیار دەکا کە ئەو دووکەسە پێشتر کوشترابن و دوواتر خسترابنە ناو ئۆتۆمبێلەکە.
شایانی باسە ، رەحیم زەبیحی سینەماکاری سەرکەوتووی کورد کە تا ئێستا چەند بەرهەمی سینەمایی لە چەندین ڤێستیڤاڵی ناوچەیی و جیهانیدا نەمایش کراون و خەڵاتیان وەرگرتووە لە کاتی کوشتنی خەریکی دەرهێنانی فیلم ی (کۆڵبەرانی ڕنووی بێوران) بووە لە سەر تڕاژێدیای ڕنوی زستانی دوو ساڵ پێش لە ئێستا کە بۆ هۆی گیان لەدەستدانی دەستەیەک لە کۆڵبەران لە ناوچەی بێورانی سەردەشت.
کۆمەڵەی مافی مرۆڤی کوردستان
