kmmk: رۆژی چوار شەممە ۱۱ رەزبەری ۱۳۹۷ی هەتاوی، بەرزان موحەمەدی شارۆمەندی کوردی سەوڵاوای سەر بە شاری مەریوان لە لایە دادگەی شۆڕشی تارانەوە سزای ۶ ساڵ بەندکردنی بەسەردا سەپێندرا.
جێگای ئاماژەیە: «بەرزان موحەمەدی» لەدایک بوی ساڵی ۱۳۵۷ی هەتاوی، کوڕێ ئەحمەد و خەڵکی گوندی گۆشتخانی سەر بە سەوڵاوای مەریوانە کە لە ناڕەزایەتیەکانی گەلاوێژی ئەمساڵ لە لایەن هێزەکانی ئیتلاعاتی تارانەوە دەست بەسەر دەکرێت و دەبرێتە ژوری تاکەکەسی بەندیخانەی کەهریزەک و پاش تێپەڕاندنی پرۆسەی لێپرسینەوە و ئەشکەنجە و هەڕەشە، دەبرێتە بەندیخانەی فەشافویە لە باشوری شاری تاران.
ناوبراو، لە شاری تاران بە کرێکاریەوە سەرقاڵی دەرهێنانی بژێوی ژیانە و پاش دەست بەسەر کردن ماڵی ناوبراو لەلایەن هێزەکانی ئیتلاعاتی تارانەوە دەپشکندرێت و هەندێک لە کەرەستەی ناوماڵی ناوبراویش دەستی بەسەردا دەگیرێت.
کۆمەڵەی مافی مرۆڤی کوردستان
