کۆمەڵەی مافی مرۆڤی کوردستانKMMK
لە سەرەتای دەستپێکی داگیرکاری و هێرشی تورکیا بۆسەر ڕۆژاوا و شاری عەفرین بەتایبەت ، کە لە 20.01.2018 دا دەستی پێکردوە زیاتر لە 78 منداڵ بونەتە قوربانی .
بەپێی ئامارەکانی مانگی سوری کوردی لە عەفرین لە سەرەتای هێرەشەکانی دەوڵەتی تورک و گرۆپە توندڕەوەکانی و بێدەنگی وەڵاتان ، تاکو ئێستا نیزیکەی 24 منداڵ کوژراون 54 منداڵی تریش بریندار بون .
هاوسەرۆکی مانگی سور لە عەفرین دۆکتۆر “نوری قەنبەر” بەدەنگی ئەمریکای ڕاگەیاند کە ئەوان هەستاون بە کۆکردنەوەی ئامار و بەڵگەکان لەسەر ئەم منداڵانە .
هەروەها هاوسەرۆکی مانگی سوری کوردی ڕایگەیاند :
تاکو ئێستا یونیسێف هیچ ڕاپورتێکی لەسەر منداڵانی عەفرین بڵاو نەکردۆتەوە سەرەڕای ئاگادار کردنەوەیان .
شایانی باسە دەوڵەتی تورکیا بە هەموو هێز و بەکارهێنانی چەکی قەدەغەکراو لەهەوڵی داگیر کردن و قڕکردنی کوردان دایە لە ڕۆژاوی کوردستان و بەتایبەتی عەفرین کە کۆمەڵگای نێودەوڵەتی لەئاستی ئەم داگیر کاری و کاولکاری دەوڵەتی تورک بێ دەنگە و بێ هەڵوێستی ئەوان ڕێگای کارەساتی مرۆیی تا ئاستێکی مەترسیدار بەرز کردۆتەوە .
کۆمەڵەی مافی مرۆڤی کوردستان
