مەریوان / منداڵێک خۆی دەکوژێت و دوو ژنیش دەکوژرێت

سەرچاوەێیکی باوەڕ پێکراو بۆ کۆمەڵەی مافی مرۆڤی کوردستانی ڕاگەیاندوە: لە حەوتوی ڕابردوودا منداڵێکی ۱۰ ساڵان لە گەڕەکی تازئاوای پادگانی شاری مەریوان لە ڕۆژهەڵاتی کوردستان، خۆی هەڵواسیوە و کۆتایی بەژیانی خۆی هێناوە.

بە وتەی هەمان سەرچاوە؛ ئەم منداڵە خوازیاری کڕینی موبایلێک بوە کە بنەماڵەکەی قایل بەوە نابن و هەر بە هۆیەوە خۆی هەڵدواسێت و کۆتایی بەژیانی خۆی دێنێ.

لە لایکی ترەوە سەرچاوە ئەم هەواڵانە پێی ڕاگەیاندین، کە لە چەند ڕۆژی بەرێدا هەر لە گەڕەکی تازئاوای مەریوان، بەهۆی کێشەی بنەماڵەییەوە، پیاوێک هاوژینەکەی و خەسوەکەی خۆی دەکوژێت.

کۆمەڵەی مافی مرۆڤی کوردستان