KMMK:
چوارشەممە ۱٨ بەفرانباری
۲۷۱۹ کوردی، ئارام فەتحی بە شێوەی کاتی لە زیندانی کۆماری ئیسلامی ئێران لە مەریوان
ئازاد کرا. ناوبراو لە ماوەی چوار رۆژی ڕاگیرانیدا و لە کاتی لێپرسینەوەدا ڕووبەرووی
ئەشکەنجە بۆتەوە.
بەپێی ئەو راپۆرتەی گەیشتووتە KMMK: ئاسەواری
ئازار و ئەشکەنجە بە جەستەی ئەم چالاکە مەدەنییەوە دیار بووە.
ناوەندە ئەمنی و ئیتلاعاتییەکانی کۆماری ئیسلامی ئێران بە مەبەستی دانپێنانی زۆرەملێ، کەسانی دەستبەسەرکراو ڕووبەرووی ئەشکەنجەی جەستەی و دەروونی دەکەنەوە.
جێگای ئاماژەیە، ئارام فەتحی سێ‌شەممە ۱۷ بەفرانبار، ڕەوانەی دادگای ئینقلابی کۆماری ئیسلامی لە مەریوان کرا و دیسان گواسترایەوە بۆ زیندانی حکوومەت لەو شارە. ناوبراو تا ئێستا چەندین جار دەستبەسەر کراوە و ڕووبەڕووی تۆمەتگەلی ناڕەوا بۆتەوە.
کۆمەڵەی ماڤی مرۆڤی کوردستان
