KMMK:
هادی حەسنی کۆڵبەرە منداڵەکە کە ڕۆژی شەممە ۲٤ سەرماوەزی ۲۷۱۹ی کوردی بە تەقەی راستەوخۆیی هێزە ئەمنیەکانی کۆماری ئیسلامی ئێران کوژرا، تەنها کاسب و نان دەرهێنەری خێزانێکی شەش کەسی بوو و ئەرکی بەخێوکردنی ماڵباتێکی لە ئەستۆ بوو.
کۆمەڵەی مافی مرۆڤی کوردستان لە رێی پەینوەندی بە خزم و نزیکانی ناوبراو لەوە ئاگادار کراوەتەوە کە باوکی نابروا پێشتر ، واتا ساڵی پار لە لایەن کۆماری ئیسلامی ئێران لە سێدارە دراوە و هادیش بۆ دابین کردنی بژێوی ژیانی بە ناچار ڕویی کردۆتە کۆڵبەری.
هادی خاوەنی چوار خوشکی بچوکتر لە خۆیەتی و بۆ ئەوەی بژێوی ژیانیان دابین بکات ناچار بە سەختی کار دەکات و روو دەکاتە کۆڵبەری.
دوو کەس لەو کەسانەی کاتی کوژرانی هادی لەو شوێنە بوون، باسیان کرد کە هێزەکانی ئێران بێ ئەوەی ئاگادارکردنەوە بدەن، دەستیان کردووە بە تەقەی راستەوخۆ و ئەوانیان کردۆتە نیشانە، کە لە ئاکام دا کوژرانی هادی حەسەنی کوڵبەرە منداڵە رەبەتیەی لێدەکەوێتەوە.
کۆمەڵەی مافی مرۆڤی کوردستان
