لابردنی ناوی گۆلی ورمێ لە نێو کتێبی خۆێندنگا سەرەتاییەکان

kmmk: بە پێی هەواڵی گەیشتوو، خەریتەی سەربەرگی کتێبی فارسی قۆناغی دووی سەرەتایی  کە ئەمساڵ چاپ کراوە ناوی ” گۆلی ورمێ “ی تێدا لابراوە و رەخنەی زۆری لێ گیراوە.

لە سەدا ۹۷ی گۆلی ورمێ وشک بووە و خەریکە بەتەواوەتی وشک دەبێت، هەلومەرجی نالەباری گۆلی ورمێ لە سەر باری دەرونی خەڵکی ناوچەکە کاردانەوەی خراپی هەبووە و لابردنی وێنەی ئەم گۆلە لە سەر کتێبگەلی خوێندنگاکان خەمباری لە رادە بەدەری خەڵکی شاری ورمێی وناوچەکانی تری لێ کەوتوەتەوە، ئەم کردەوەیە هەروەها پەژارەو هەستیاری لایەنگرانی ژینگەی هەڵخراندووە.

جێگای ئاماژەیە کە: لابردین ناوی گولی ورمێ لە سەر کتێبی خۆێندنگا گشتیەکان بوە و سیاسەتی کۆماری ئیسلامی ئێران لە رۆژهەڵاتی کوردستان  لە سەر ئەم بنەمایە بووە کە ناوی شوێن و ئاسەوارە مێژویی و سەنبولەکانی کورد لە سەرەتاکانی منداڵیەوە لە مێشکی منداڵانی کورد بسڕێتەوە.

 

کۆمەڵەی مافی مرۆڤی کوردستان

%d bloggers like this: