مەترسی دیپورتکردنەوەی “ئەنوەر مورادی زەڕ” لە لایەن وڵاتی ئاڵمانەوە بۆ ئێران
بە پێی ڕاپۆرتێک کە لە لایەن حیزبی کۆمەنیستی ئێرانەوە بڵاو بوەتەوە و بەڵگەێیکیشی بۆ کۆمەڵەی مافی مرۆڤی کوردستان ناردوە ، هاووڵاتی شاری سنە لە ڕۆژهەڵاتی کوردستان بە ناوی” ئەنوەر مورادی زەڕ” کە ئەندامی حیزبی کۆمەنیستی ئێران بوە و ماوەی چەند ساڵ لە باشوری کوردستان لەو حیزبەدا چالاکی کردوە و لە شێڵاوی هاتنی پەنابەراندا بۆ ئوروپا ڕووی لە وڵاتی ئیتالیا کردوە بە مەبەستی گەیشتن بە وڵاتی ئاڵمان ، بەڵام هەر لە ئیتالیا بە زۆرە ملێ پەنجەمۆری پێدەکرێت و سەرەڕای ئەوەش خۆی دەگەێینێتە ئاڵمانیا .
لە دوای دەرکەوتنی پەنجەمۆرەکەی وڵاتی ئاڵمانیا بڕیاری گەڕانەوەی “ئەنوەر” دەدات بۆ وڵاتی ئیتالیا ، بەڵام ئەنوەر مورادی زەڕ ئەم بڕیارەی دادگای ئاڵمان ڕەد دەکاتەوە جەخت و پێداگری و داخوازی پەنابەری لە وڵاتی ئاڵمان دەبێت ، کەچی وڵاتی ئاڵمان لە دوای پێداچونەوە بە کەیسەکەیدا ، ماوەی ۲۰ ڕۆژ مۆڵەت بۆ ئەنوەر دادەنێت کە ڕادەستی ئێران بکرێتەوە .
کۆمەڵەی مافی مرۆڤی کوردستان بەپێی ئەو ئەزمونانەی کە پێشتر ئەندامانی حیزبە سیاسی و مەدەنییەکانی کوردستانی و ئێرانی ، لە دوای ڕادەستکردنەوەیان بۆ ئێران توشی زیندان و ئەشکەنجە و تەنانەت مەرگیش بونەتەوە ، داواکارە لە ڕێکخراوە مرۆڤ دۆستەکانی ئاڵمان و ناوەندە بەرپرسەکانی کاروباری پەنابەران ،ڕێگەنەدەن ئەم هاووڵاتییە ڕادەستی کۆماری ئیسلامی ئێران بکرێتەوە و چارەنوس و ژیانی بکەوێتە مەترسیەوە.
کۆمەڵەی مافی مرۆڤی کوردستان
مەترسی دیپورتکردنەوەی “ئەنوەر مورادی زەڕ” لە لایەن وڵاتی ئاڵمانەوە بۆ ئێران
