ک.م.م.ک:
شەممە ٦ی خەزەڵوەری ساڵی ٢٧٢٣ی کوردی، دوو کۆڵبەری خەڵکی شاری سەلاس باوەجانی بە ناوەکانی: “سەلاح ئەحمەدی” خەڵکی گوندی حەشمەر سەر بە شاری سەلاس باوەجانی و “موسعەب کاکەیی” خەڵکی گوندی هەورازە بە تەقەی ڕاستەوخۆی هێزە سەربازییەکانی ئێران جێگیر کراو لە سەر سنووری نەوسود لە بەشی پشت و کەمەر(نێوقەد ) بریندار بوون.
شیاوی باسە، هێزە سنوورییەکان بە چەکی ساچمەهاوێژ لە نزیکەوە تەقەیان لە کۆڵبەران کردووە، ژمارەیەکیان برینداربوون، کە تا ئێستا ناسنامەکانیان پشتڕاست نەکراوەتەوە.
پێویستە ئاماژە بەوە بکرێت، تا ساتی نووسین و بڵاوکردنەوەی ئەم هەواڵە، ناسنامەی بریندارەکانی دیکەی ئەم ڕووداوە ئاشکرانەبوونە.
ع – ر
