دەستبەسەری سێ هاوڵاتی لە قوروە لەلایەن هێزر ئەمنییەکانەوە

ک.م.م.ک:

هەینی ١١ی سەرماوەزی ٢٧٢٢ی کوردی، هێزە ئەمنییەکانی حکوومەتی ئێران لە قوروە سێ هاوڵاتی بەناوەکانی موبین کەریمی، کاوە عەبدولمەلەکی و میلاد عەبدولمەلەکی خەڵکی قەڵا سەربە قوروەــیان دەستبەسەر کرد.

بەپێی هەواڵەکە، هێزە ئەمنییەکانی ئێران پاش دەستبەسەری ئەم هاوڵاتیانە لە قوروە، بۆ شوێنێکی نادیاریان ڕاگواستن.

شیاوی باسە کە، بەهۆی ڕفاندن و دەستبەسەرییە بەربڵاوەکان کە بێ نواندنی حوکمی قەزایی لە لایەن هێزە سەرکوتگەر و ئەمنییەکانی حکوومەتی ئێران لە ڕەوتی ڕاپەڕینی گشتگیری کوردستان و ئێران، زۆرینەی هاوڵاتیانی ڕفێنراو بۆ شوێنی نادیار ڕاگوازراون و زۆرجار چەندد ڕۆژ بەبێ سەروشوێنی دەمێننەوە.

ق.ش

Leave a Reply

%d bloggers like this: