ک.م.م.ک:
کۆمەڵەی مافی مرۆڤی کوردستان ناسنامەی ژمارەیەک لە دەستبەسەرکراوانی خۆپیشاندانەکانی سەرتاسەری لەسەر کوشتنی ژینا ئەمینی لە هەفتەی یەکەمی رەزبەری 2722دا، بەم شێوەیە ڕادەگەیەنێت:
1- ڕۆژی دووشەممە چواری رەزبەر، میلاد کەمانگەر خەڵکی کامێران(کامیاران) لەلایەن هێزە ئەمنییەکانەوە لە ماڵەکەی خۆی ڕفێندرا.
2- سێشەممە پێنجی رەزبەر سۆهراب جەلالی لە سنە.
3 – چوارشەممە، شەشی رەزبەر، لە شاری شنۆ، دوو هاوڵاتی گوندی گردکاشان بە ناوەکانی “مێهران حەسەنزادە و موبین ڕەسووڵ تاب.
4 – ڕۆژی پێنجشەممە حەوتی رەزبەر، کامیران ساختمانگەر، چالاکوانی ناسراوی کرێکاری لە ماڵەکەی خۆی بە کوتەک و لێدان رفێندرا.
جێگای ئاماژە پێکردنە، تا کاتی ئامادە کردنی ئەم هەواڵە، هیچ زانیارییەک لەبارەی دۆخ و شوێنی ڕاگرتنی دەستبەسەرکراوەکان، لە بەردەستدا نییە.
ع. س
