برینداربوونی ٢ کۆڵبەر بەهۆی ڕاوەدوونان و هەڵهاتن و تەقەی ڕادتەوخۆی هێزە سنوورییەکانی حکوومەتی کۆماری ئیسلامی ئێران

ک.م.م.ک:

هەینی ٣١ی پووشپەڕی ٢٧٢٢ی کوردی، کۆڵبەرێک بەناونیشانی محەممەد خودایاری ٤٦ساڵ تەمەن و نیشتەجێی سەردەشت، دوابەدوای ڕاوەدوونان و هەڵهاتن لەلایەن هێزە سنوورییەکانی حکوومەتی کۆماری ئیسلامی ئێرانەوە، کەوتن بەسەر تەلدڕووی ناوچەی سنووری، پێیەکانی بەگرانت خەساری پێگەیووە و برینداربووە.

هەرلەم چوارچێوەیەدا، پێنجشەممە ٣٠ی پووشپەڕــیش کۆڵبەرێک بەناونیشانی ئەکرەم خودامرادی خەڵکی گوندی بانی ساکان سەر بە شاری سەلاسی باوەجانی بەهۆی تەقەی ڕاستەوخۆ و بە بێ ئاگادارکردنەوەی هێزە سنوورییەکانی حکوومەتی ئێران بە چەکی ساچمەیی کراوەتە ئامانج، ناوبراو مەچەک و پووزی پێی تووشی خەساری گران بووە.

جێی سەرنجە تا کاتی ئامادەکردنی ئەم هەواڵە، هیچ زانیارییەک لە دۆخی سڵامەتی ناوبراوان بەدەستەوە نییە.

ق.ش

Leave a Reply

%d bloggers like this: