KMMK:
یەکشەمە 14ی سەرماوەزی 2721ی کوردی، هاوڵاتییەک بە ناوی زانکۆ مەسعودی 22 ساڵە، کوڕی ڕەسول و خەڵکی گوندی مەلقۆرنی سەر بە سەقز، لەلایەن هێزە ئەمنییەکانەوە دەستبەسەرکراوە و بەرەو شوێنێکی نادیار بردراوە.
بەپێی راپۆرتەکە، دەستبەسەرکردنەکە بەبێ فەرمانی دادوەری ئەنجامدراوە و تا کاتی داڕشتنی ئەم هەواڵە تۆمەتەکانی سەر زانکۆ مەسعودی نەزانراوە.
سەبارەت بەم هەواڵە و بەپێی سەرچاوەیەکی ئاگادار، گەڕانی ناوماڵی سێ هاوڵاتی دیکەش کە بریتین لە “حاجی ساڵح فەدەوی و خەبات فەدەوی و عەبدولڵا مەسعودی” خەڵکی گوندی مەلقۆرنی لەلایەن هێزە ئەمنییەکانی کۆماری ئیسلامی ئێرانەوە بەبێ فەرمانی دادوەری ئەنجامدراوە.
شایەنی باسە، بەرپرسانی حکوومەتیش هیچ روونکردنەوەیەکیان لەبواری ئەم شێوازە دەستبەسەرکدنانە بۆ ئەو هاوڵاتیانە نەکردووە.
ع.س