KMMK:
دووشەممە 11ی گەلاوێژی 2721ی کوردی، ژنێک بە ناوی “مونیرە قادری” خەڵکی گوندی گولانی ناوچەی کۆماسی مەریوان و دانیشتووی گوندی”چۆڕ” سەر بە شاری مەریوان لە لایەن هاوژینەکەیەوە کوژرا.
بە گوێرەی هەواڵەکە، بکوژەکە پاش چوار ڕۆژ لە کوشتنی خێزانی خۆی، ڕۆژی هەینی 15ی گەلاوێژ خۆی ڕادەستی پۆلیس دەکات و دان بە تاوانەکەیدا دەنێت.
شیاوی باسە خەڵکی گوندی چۆڕ هەینی ئێوارە تەرمی مونیرە قادری دەدۆزنەوە و لە باخێکی ئەو ناوچەیە بە خاکی دەسپێرن.
وێڕای بەدواداچوونی هەواڵنێری کۆمەڵەی مافی مرۆڤی کوردستان، تا ئێستە هۆکاری کوشتنی ئەم ژنە لە لایەن هاوژینیەوە ئاشــکرا نەکراوە.
ق.ش