KMMK:
چوار شەممە ٩ی پوشپەڕی ٢٧٢١ی کوردی، داود جەباری، بەندکراوی ئاینی خەڵکی شاری شنۆ، لە بەندیخانەی کۆماری ئیسلامی ئێران لە شاری ورمێ مانی لە خواردن گرت.
شایانی باسە کە: ناوبراو لە ئاکامی بێ وڵام مانەوەی داواکاریەکانی و نادیار بوونی چارەنوسی و ھەروەھا پشت گوێ خستنی داواکاری کورت کردنەوەی سزاکەی، دەستی داوەتە مانگرتن.
داود جەباری، ساڵی٢٧١٧ی کوردی لە وڵاتی ئەفغانیستان بە تۆمەتی ئەندام بون لە گروپی سەلەفی دەستبەسەر کراوە و پاشان لە ساڵی ٢٧١٩ رادەستی کۆماری ئیسلامی ئێران دەکرێتەوە.
ناوبراو پاشان لەلایەن دادگەی ئینقیلابی کۆماری ئیسلامی ئێران لە شاری ورمێ، سزای ١٨ ساڵ بەندکردنی بەسەردا دەسەپێندرێت.
س.ر