KMMK:
لە ڕۆژانی ڕابردوو چوار هاوڵاتی خەڵکی شاری بانە بە ناوەکانی “ئارمان حسێن زادە ٢٠ ساڵ تەمەن، بەهمەن ڕەحیمی ١٩ ساڵ تەمەن، میلاد حسێنی ١٩ ساڵ تەمەن و سینڵ عەبدوڵڵایی ١٧ ساڵ تەمەن خەڵکی شاری بانە سەر بە پارێزگای ســنە بە تۆمەتی ئاگرتێبەردانی لافیتە(بنێر)ی قاسم سلێمانی له ناو شاری بانە بە ١۶ ساڵ و ٧ مانگ زیندانی تەعزیری مەحکووم کران.
بە گوێرەی هەواڵەکە ئەم هاوڵاتییانە لە کۆتاییەکانی مانگی خاکەلێووەی ئەمساڵ دەستبەسەر کرابوون.
شیاوی باسە کۆماری ئیسلامی ئێران ڕۆژهەڵاتی کوردستانی لە ڕێی سپای تیرۆریستی پاسداران و دیکەی ناوەندە ئەمنییەکانەوە میلیتاریزە کردووە و بە تایبەت لە دوای کوژرانی قاسم سلێمانی گەورە تیرۆریستی نێودەوڵەتی بۆ چاوترسێن کردنی خەڵک پەلاماری هەر کەس و لایەنێک دەدات و دەست لە مێرمنداڵانیش ناپارێزێت.
کۆمەڵەی مافی مرۆڤی کوردستان
