KMMK:
رۆژی یەک شەممە ١٨ی جۆزەردانی ٢٧٢٠ی کوردی، کۆڵبەرێکی کورد بەناوی « فەرهاد کەچانلوو» لە لایەن هێزە ئەمنیەتیەکانی کۆماری ئیسلامی ئێرانەوە لە سنوری ماکۆ تەقەی لێ دەکرێت و بەو هۆیەوە گیانی لەدەست دەدات.
بە گوێرەی هەواڵی گەیشتوو: ناوبراو ٢٤ ساڵ تەمەنیی بوە و خەڵکی گوندی ساری ئۆجاق( شێخ عەسکەر) بوە و هەروەها ناوبراو بۆ دابین کردنی تێچوی زەماوەن ملکەجی کۆڵبەری بووە.
بە پێی زانیاریەکانی ناوەندی ئاماری کۆمەڵەی مافی مرۆڤی کوردستان، لە سەرەتای ساڵی ٢٠٢٠ی زاینیەوە تا ئێستا ٧٠ کۆڵبەر بریندار بوون و بە ئەژمار کردنی ئەم کەسە ٢٩ کۆڵبەریش گیانیان لەدەست داوە.
کۆمەڵەی مافی مرۆڤی کوردستان
