KMMK:
چوارشەممە ۱۱ی بەفرانباری ۲۷۱۹ی کوردی، تەرمی پیاوێک بە ناونیشانی هاشم مورادی له شاری جوانڕۆ دۆزرایەوە.
تەرمی ئەم هاووڵاتییە جوانڕۆیێە لە تەنیشت ڕووباری «سەفی ئاوا» دۆزراوەتەوە و بە پێی قسەی شایەتحاڵەکان، شوێنەواری ئەشکەنجە لە سەر جەستەی دیار بووە.
هاشم مورادی لە ڕێکەوتی ۲۶ی خەزەڵوەر لە ڕەوتە ناڕەزاییە گشتگیرەکانی ڕۆژهەڵاتی کوردستان و ئێران بێ سەروشوێن ببوو.
شیاوی باسە کە لە ڕەوتی ناڕەزاییە گشتگیرەکانی مانگی خەزەڵوەر ڕێژەیەکی زۆر لە هاووڵاتیان کوژران و بریندار بوون، لە ڕۆژانی دوایی گردبوونەوەکان تەرمگەلێکی زۆر لە تەنیشت شارەکان دۆزڕاوەتەوە کە شوێنەواری ئەشکەنجە لە سەر جەستەیان دیار بووە.
کۆماری ئیسلامی ئێران پاش دەستبەسەری و ڕفاندنی هاووڵاتیانی ناڕازی، ڕێژەیەکی بەرچاوی لە خەڵک ئەشکەنجە کردووە و کوشتووە.
کۆمەڵەی مافی مرۆڤی کوردستان
