KMMK:
هەینی ۲۹ی سەرماوەزی ۲۷۱۹ی کوردی، پاش سێ ڕۆژ ، خەڵک و چالاکانی شاری مەریوان و سەوڵاوا توانیان، تەرمی فەرهاد خوسرەوی، کۆڵبەری ۱۴ ساڵ تەمەن لە چیای تەتە لە ژێر بەفر بدۆزنەوە.
شیاوی باسه کە سێ شەممە ۲۶ی سەرماوەزی ۲۷۱۹ی کوردی، تەرمی بە سەهۆڵ بووی برای گەورەی فەرهاد (ئازاد) خەڵکی گوندی نێ دۆزرابوویەوە.
ئەم دوو برایە شەوی سێ شەممە بۆ کۆڵبەری چووبوون بۆ ناوچەی سنووری هەورامان کە لە سەرما و باهۆز و شڵێوەدا ڕێگەیان ون کردبوو.
کۆماری ئیسلامی ئێران بەرپرسی سەرەکی مردنی ئەم کۆڵبەرە کوردانەیە. نەبوونی هەلی کار، سەرمایە گوزاری نەکردن و دیاریکردنی پڕۆژەی ئاوەدان کردنەوە لە شارەکانی ڕۆژهەڵاتی کوردستان، دزین و تاڵانی سەرچاوە سرووشتییەکان و… سیاسەتی حکوومەتی ئێران لە پێناو هاووڵاتیانی ڕۆژهەڵاتی کوردستان ـە.
کۆمەڵەی مافی مرۆڤی کوردستان
1 comment
[…] ئازاد کرابوو. هەروەها ناوبڕاو کاتی گیان لەدەستدانی دوو برای کۆڵبەری خەڵکی مەریوان، پەیامێکی ڕەخنە ئامێزی ئاراستەی […]
Comments are closed.