KMMK:
ڕۆژی سێ شەممە ۱٤ی خەزەڵوەری ۲۷۱۹، لە سنووری شاری سەردەشت هێزەکانی سنووری کۆماری ئیسلامی ئێران بۆسەیان بۆ کۆڵبەران وکاسبکاران داناوە و لە ئاکامی تەقەی ڕاستەوخۆدا چەند ئەسبی بریندار بوون و چەندی ئەسب کاسبکاران و کۆڵی کۆڵبەرانیش دەستیان بەسەردا گیراوە.
کۆماری ئیسلامی ئێران بە هەموو جۆرێک و بە دڕندانەترین شێوە دژی کاسبکاران و کرێکاران لە ڕۆژهەڵاتی کوردستان دەوستێتەوە، جگە لەمە هیچ جۆرە بەهاناوەچونێکی حکوومی بۆ بواری بووژاندنەوەی ئابووری ڕۆژهەڵاتەوە نیە و تەنانەت حکوومەت بە هەموو توانایەوە دژی بەرەو پێشچوونی بواری ئابووری و بووژاندنەوەی ڕۆژهەڵاتی کوردستانە.
کۆمەڵەی مافی مرۆڤی کوردستان
