ئێعدامی دوو زیندانی لەشاری بروجێرد
KMMK:
یەکشەممە ۲۷ی گەڵاڕێزانی ۱۳۹۷ی هەتاوی دوو هاوڵاتی کوردی زیندانی بەناوەکانی “سامان قایدڕەحمەت و ڕۆح وڵڵا بیرئەلوەند مێخەک” لەزیندانی تیرچە بلووکی بروجرد (زیندانی ژمارە دووی بروجێرد ) ئێعدام کران.
بەگوێرەی هەواڵەکە ئەو ئێعدام کراوانە بەتاوانی کوشتنی ئەنقەست حوکمی سێدارەیان بەسەردا سەپێنرابوو.
جێگەی باسە بەپێی ئامارەکانی ناوەندی ئاماری کۆمەڵەی مافی مرۆڤی کوردستان لە سەرەتای ساڵی ۲۰۱۸ی زایینیەوە تا ئێستە ۶۱ هاوڵاتی کورد لەڕۆژهەڵاتی کوردستان لەلایەن حکوومەتی کۆماری ئیسلامی ئێرانەوە ئێعدام کراون.
کۆمەڵەی مافی مرۆڤی کوردستان
