بە پێی هەواڵی گەیشتوو بە کۆمەڵەی مافی مرۆڤی کوردستان سەید قاسم ئابستە زیندانی کورد لە بەندی ۲۱لە بەشی ۷ی بەندیخانەی ڕەجایی شاری لە ۷ڕۆژی پێشەوە مانی لە خورادن گرتوە و دژ بە چارەسەری نەکردنی پزیشکی و نەخۆشیگەلی جەستەیی خۆی ، بەو شێوەیە ناڕەزیی دەربڕیوە و تا ئێستاش لە مانگرتندایە.
لە ڕاپۆرتەکەدا هاتوە کە قاسم ئابستە ماوەێیک پێش لە گەڵویەوە(قووڕگ) لوێیک (غودە ) سەری هەڵداوە کە ڕۆژ بە ڕۆژ گەورەتر دەبێت و هەناسە کێشانی لە دژوار کردوە .کە بە پێی لێکۆڵینەوەی پزیشکانی ناو بەندیخانە پێویستی بە چارەسەری لە نەخۆشخانەی دەرەوەی زیندان هەیە و سەرەڕای بڕیاری پزشکان ئەو زیندانیە بۆ نەخۆشخانەی دەرەوە ڕەوانە ناکرێت کە بەرپرسانی بەندیخانە هۆکارەکەی دەگێڕنەوە بۆ ئیزن نەدانی دادوەری چاودێر لە سەر بەندیخانە و دادستان کە ئەمە لە حاڵێکدایە ڕۆژبەڕۆژ دۆخی تەندرستی ناوبراو خراپتر دەبێت .
قاسم ئابستە لە ڕێبەندانی ۱۳۸۸ دەستبەسەر و پاش ۸مانگ ئەشکەنجە و لێپرسینەوە لە لایەن گرتووخانەکانی ئیدارەی ئیتلاعاتی کۆماری ئیسلامی ئێران لە شاری ورمێی ڕۆژهەڵاتی کوردستان ڕەوانەی بەندیخانەی ئەوین کرا کە لەو بەندیخانەیەدا ٦ مانگ لە ژووری تاکەکەسیدا ڕایانگرت و سەرئەنجاملە ڕێکەوتی ۲٥ خاکەلێوەی ۹۱ بۆ زیندانی ڕەجایی شاری کەرەج گوازرایەوە و لە جۆزەردان ساڵی ۱۳۹٥ بە تۆمەتی مۆحاربە لە ڕێگای هەواداری بۆ گرووپگەلی سەلەفی بە سێدارە سزا درا ، کە ناوبراو ئەو تۆمەتانەی بە بێبنەما زانیوە و رەدی کردونەتەوە .
کۆمەڵەی مافی مرۆڤی کوردستان